Kesah Palui : 3 X 4 = 5

Palui ingin mengubah nasib dengan melamar kerja sebagai satpam. Ia menyiapkan semua berkas dengan serius, meski penghasilannya dari ojek hanya cukup sehari-dua hari. Saat membuat foto lamaran, ia bingung ketika ditanya ukuran 3×4 dan mengira itu soal hitungan matematika. Ia sampai berdebat dengan tukang foto karena menurutnya 3×4 harus 12, bukan 5 lembar. Kebingungan polosnya membuat suasana lucu, menunjukkan semangat Palui untuk mencoba hidup lebih baik walau masih minim pengetahuan soal proses lamaran. Ia tetap optimis meski belum paham aturan dan istilah pekerjaan formal.

*****

Lawas banar hidup Palui pina kada ubah-ubah. Pancarian maojek cukup gasan sahari dua hari, kada kawa kaya orang pina bakacukupan.

Rancak haja pang inya tapikir handak bagawi kalain, mancari nang labih, tapi tatap haja kada kulihan.

Tabarungan Palui tabaca pangumuman di surat kabar gasan manjadi satpam di parusahaan. Langsung inya bulik mangincang.

Dirumah inya manyiapakan barataan kaparluan gasan malamar gawian satpam. Sibuk banar inya kasana kamari mamotokopi lawan maulah surat lamaran. Rahatan asik Palui manyusun, datang Tulamak bailang.

“Lagi baapa Lui, pina sibuk banar,” ujar Tulamak.

“Aku handak malamar jadi patugas satpam di parusahaan Mak ai.”

“Kaya apa sudah beres lah surat manyuratnya?” ujar Tulamak.

“Sadikit lagi Mak ai, imbah itu langkap ai,” sahut Palui.

“Napa lagi nang balum langkap Lui?

“Gambar lagi Mak ai, kabalujuran ikam datang kawa mangganii wan maantarakan aku bagambar.”

“Ada haja kalu ungkus ojeknya?” ujar Tulamak manyirit.

“Gampang haja mak ai, limbah bagambar kita makan katupat.”

Sampai ditukang gambar palui langsung bagambar.

“Kada badasi kah Lui?” ujar Tulamak mahuhulut

“Kaina aku dipadahi direktur bank,” ujar Palui lihum. Tuntung bagambar palui manuju kawadah bayar. “Ukurannya barapa?” ujar tukang gambar batakun.

“Ukuran napa? Ukuran baju atawa salawar?” ujar Palui batakun.

“Ukuran gambar,” ujar tukang gambar lagi tatawa malihat Palui bingung

“Kaya itukah? Biasanya ukurannya barapa gasan malamar jadi satpam?” ujar Palui manakuni kada tahu.

“Ukurannya 3 x 4 = 5 lambar?” ujar tukang gambar mamadahi.

“Hau, ikam ni bujur-bujur, satahuku matan kalas satu SD sampai kalas 6, amun 3 x 4 jumlahnya 12, kada suah 5?” ujar Palui mulai mangaras. “Ikam ni suah sakulah lah?” ujarnya pulang.

“Ulun ni tamatan SMA mang ai. Ampun pian bujur haja amun mahitung matimatika, tapi nangini mahitung gambar,” ujar tukang gambar manjalasakan.

“Kalu kaya itu tasarah ikam haja, nang jalas isuk aku ambil,” ujar Palui.

“Balainkah mahitung gambar lawan mahitung matimatika Mak?” ujar Palui limbah bulik manakuni Tulamak.

“Kada tahu jua aku,” ujar Tulamak sakalinya kada paham jua. (rep/ fai)

Sumber: Banjarmasin Post Edisi Cetak, tanggal 13 Oktober 2020

Palui ingin mengubah nasib dengan melamar kerja sebagai satpam. Ia menyiapkan semua berkas dengan serius, meski penghasilannya dari ojek hanya cukup sehari-dua hari. Saat membuat foto lamaran, ia bingung ketika…