Kesah Palui : Tasalah Tangguh

Suatu sore, kawan-kawan Palui — Garbus, Tulamak, dan Tuhirang — duduk di gardu sambil menunggu Palui yang datang terlambat. Mereka menebak-nebak alasan Palui berjalan pincang, mulai dari kakinya sakit, bisulan, hingga luka. Saat Palui datang, ia menjelaskan bahwa semua tebakan itu salah. Ternyata ia berjalan aneh karena salah mengira sedang kentut, padahal malah keluar ampasnya. Cerita pun ditutup dengan tawa teman-temannya karena kelucuan dan kejujuran Palui.

*****

Kamarian itu bubuhannya dudukan di gardu sambil mahadang dauh ashar, bapapanderan ka hulu ka hilir sambil marawai urang lalu lalang.

“Kita ini kada langkap karna kawal kita si Palui balum kalihatan,” ujar Garbus.

“Sudah watak Palui mulai matan lagi halus bila bajanji pasti talambat,” ujar Tulamak.

“Tapi kalu bajanji gasan sembahyang kada bulih talambat,” ujar Garbus.

“Mungkin inya ada halangan,” ujar Tulamak sambil manunjuk.

“Wah, rupanya Palui hanyar datang di pasar pina balinggang bajalan,” ujar Garbus.

“Tangguh Bus, kanapa maka Palui pina bainggang bajalan,” ujar Tulamak.

“Mungkin batisnya sakit karna tasalihu,” ujar Garbus.

“Palui itu talapak batisnya tumbalan jadi jalannya pina baangkat baingkit,” ujar Tuhirang umpat manangguh.

“Manurut tanguhanku panyakit lawasnya baumpat pulang,” ujar Garbus.

“Napa panyakit lawasnya Bus?” ujar Tulamak.

“Panyakit lawasnya adalah bisulan di paha atawa di tamping burit,” ujar Garbus tatawa.

Itu nah Paluinya sudah parak lakasi kiyau biar inya singgah ka sini,” ujar Tuhirang.

Imbah Palui singgah mamaraki kakawalannya, maka rami bubuhannya batakun.

“Ampun maaflah Lui lah, aku handak batakun kanapa maka ikam bajalan pina bainggang,” ujar Tulamak.

“Tadi kami manangguh mungkin batis ikam luka atawa tasalihu, ada jua nang mamadahakan talapak batis ikam batumbal,” ujar Garbus.

“Aku tarima kasih banar bubuhan ikam mahatiakan aku, artinya kita bakawan akrab. Tapi ampun maaf jua lantaran samunyaan tangguhan ikam itu luput. Bubuhan ikam salah tangguh. Aku kada batumbal, kada babisul wan kada tasalihu,” ujar Palui.

“Lalu kanapa maka jalan ikam bainggang?” ujar Tulamak.

“Jangankan bubuhan ikam, aku gin salah tangguh jua,” ujar Palui pina musti.

“Salah tangguh napa Lui?” ujar Garbus.

“Mulanya tadi kutangguh aku bakantut, maklum parut lagi kada nyaman. Iii … sakalinya….,” ujar Palui.

“Sakalinya napa Lui?” ujar Garbus handak tahu.

“Iii … sakalinya…. sakalinya lawan ampas-ampasnya,” ujar Palui sambil manciumakan tangannya ka hidung Garbus. emhati(repro)

Sumber: Banjarmasin Post Edisi Cetak, tanggal 29 Januari 2020

Suatu sore, kawan-kawan Palui — Garbus, Tulamak, dan Tuhirang — duduk di gardu sambil menunggu Palui yang datang terlambat. Mereka menebak-nebak alasan Palui berjalan pincang, mulai dari kakinya sakit, bisulan,…