Kesah Palui : Batatangguhan Karak

Tulamak terkenal suka mencoba makanan dari berbagai daerah, meski sering tak punya uang untuk membeli. Setelah mendengar tentang makanan khas Betawi bernama karak telur, ia ingin mencobanya. Garbus menertawakan kebiasaannya yang selalu penasaran dengan makanan baru, padahal banyak yang tidak berani ia makan seperti empek-empek Palembang karena keras dan asam. Percakapan berlanjut hingga Palui dan Garbus membahas berbagai jenis karak, dari yang asin hingga manis. Ketika ditanya karak apa yang asin tapi tidak berbau garam, Palui menjawab jenaka: “karak hidung.” Tulamak pun jijik dan geli mendengar gurauan itu.

*****

SI Tulamak dasar kada kawa mandangar ada makanan pina hanyar, langsung inya handak marasani. Tapi karna kada tapi panduitan makanya inya cuma kawa managuk liur haja.

“Wayah ini ujar habar ada wadai matan Betawi nang bangaran karak hintalu alias karak telur, bujurlah Bus?” ujar Tulamak.

“Kanapa maka ikam tapikir wadai karak hintalu itu Mak?” ujar Garbus.

“Aku hanyar mandangar makanya aku handak tahu dan handak marasani kaya apa rasanya,” ujar Tulamak.

“Ikam ini dasar jago makan Mak ai. Samalam handak marasani pisang epek wan coto mangkasara, wayah ini handak karak telur Jakarta, padahal sabalumnya handak marasani rujak cengor wan gudeg Jogya,” ujar Garbus. “Tapi samacam nang ikam kada wani mamakan.”

“Samunyaan makanan khas daerah kuhantup. Makanan napa itu Bus nang ikam padahakan aku kada wani?” ujar Tulamak manantang.

“Ikam pasti kada wani mamakan wadai empek-empek Palembang,” ujar Garbus.

“Hi-ih lah, aku kada wani mamakan empek-empek karna karas banar wan layat di-igut, apalagi mamakannya bacampur cuka. Apalagi gigiku banyak rusak dan sudah parak kilum,” ujar Tulamak mangaku.

“Napa pina rami mamander wadai wan makanan. Cuba tangguh wadai karak napa nang rasanya masin-masin tapi kada bauyah,” ujar Palui.

“Gampang Lui ai, karak nang masin-masin itu adalah karak iwak rabuk,” ujar Garbus.

“Karak iwak rabuk itu bujur haja masin tapi masinnya karna diuyahi,” ujar Palui.

“Karak dodol hangit,” ujar Tulamak.

“Karak dodol rasanya manis Mak ai,” ujar Palui,

“Kukira samunyaan karak nang masin itu adalah pasti karna bauyah, karna kabanyakan uyah lalu rasanya masin,” ujar Tulamak.

“Ada Mak ai, rasanya masin justru karna kada bauyah,” ujar Palui mayakinakan.

“Kalu kaya itu karak napa Lui? ujar Garbus.

“Nang kada bauyah tapi pasti masin adalah karak… karak hidung. Kalu bubuhan ikam kada parcaya cuba rasani sadikit,” ujar Palui tatawa.

“Hussss…. jijik dan rigat kada biasa tarasani,” sahut Tulamak pina bakirik. (banjarmasinpost.co.id/bpost/tam)

Sumber: Banjarmasin Post Edisi Cetak, tanggal 5 April 2020

Tulamak terkenal suka mencoba makanan dari berbagai daerah, meski sering tak punya uang untuk membeli. Setelah mendengar tentang makanan khas Betawi bernama karak telur, ia ingin mencobanya. Garbus menertawakan kebiasaannya…