Kesah Palui : Mambunuh Ken Arok

Palui marah besar ketika anaknya pulang dari sekolah sambil menangis karena disalahkan gurunya. Anak itu mengadu bahwa ia dituduh membunuh Ken Arok, padahal ia bahkan tidak mengenalnya. Palui pun terbakar emosi dan berniat menegur guru yang dianggap menuduh anaknya tanpa dasar. Namun istrinya mencoba menenangkan dan meminta mendengar penjelasan lebih dulu. Setelah mendengar cerita lengkap, barulah istrinya paham bahwa yang dimaksud guru adalah pelajaran sejarah tentang kerajaan Singasari, di mana Ken Arok dibunuh oleh Anusapati. Menyadari kesalahpahaman itu, sang istri menertawakan kebodohan Palui dan anaknya yang sama-sama tidak paham pelajaran sekolah, menunjukkan bahwa kecerdasan mereka “buah tak jauh jatuh dari pohonnya.”

*****

Ujar urang amun buah kada jauh gugur matan pohonnya, kaya itu jua Palui wan anaknya dasar kada lain kalakuan lawan sifatnya.

Amun urusan mamintari urang paling harat sudah, tapi amun urusan sakulah rancak numur uncit. Nang ngaran anak palui rancak banar disariki di sakulahan napa kalakuan pina pambabal.

Nangkaya hari itu, jam sapuluh anak Palui sudah bulik ka rumah sambil manangis-nangis.

“Napa nak, bakalahikah?” ujar Palui.

“Kada bah ai, ulun tadi disariki guru,” ujar nang anak ba adu adu.

“Disariki kanapa ikam? Guru nang mana nang katuju manyariki ikam?” ujar Palui panas.

“Dangari dahulu kisahnya abahnya ai, jangan langsung manyalahakan gurunya,” ujar nang bini manyabari. “Kisahakan nak, kanapa jadi guru ikam sarik,” ujar bini Palui.

“Ulun dipadahi sidin mambunuh Ken Arok. Padahal ulun kada kanal lawan Ken Arok tu,” ujar nang anak sambil managis.

“Iya kalu umanya, dasar gurunya kalu nang mangalilu. Anak kita patuh haja kada lawan Ken Arok, dipadahi mambunuh pulang. Timbul kaena bubuhan polisi kasinian,” ujar Palui pina mahahing.

“Hadang dahulu abahnya ai, dangari pang lagi kanapa jadi inya dipadahi mambunuh Ken Arok nangitu,” ujar bini Palui manyabari.

“Tadi pas palajaran sajarah, guru manakuni ulun siapa nang mambunuh Ken Arok? Ulun jawab ai kada tahu. Guru tadi bahimat manakuni ulun sambil manyanyarik, ulun dasar kada tahu bah ai, patuh haja ulun kada lawan Ken Arok,” ujar nang anak bahimat manangis.

“Kaena kudatangi guru ikam tu nak ai, sambarangan manuduh-nuduh ikam mambunuh Ken Arok,” ujar Palui sarik.

Lawas bini Palui mamikirakan siapa nang salah. Kada lawas hanyar inya pina tatawa. “Cucuk haja anak kita disariki, napa abahnya jua tukang pambabal,” ujar bini palui tatawa.

“Kanapa jadi ikam mambila guru itu?” ujar Palui kahiranan

“Guru tu manakuni palajaran sajarah abahnya ai. Palajaran karajaan Singasari nang bahari. Siapa nang wayah itu mambunuh Ken Arok. Kalu kada salh nang mambunuhnya itu adalah Ken Dedes. Jadi guru itu kadanya manuduh anak kita pang nang mambunuh. Dasar pian jua wan nang anak kada tapi pintar sakulahnya,” ujar bini Palui tatawa.

“Kaya itukah umanya?” ujar Palui kasupanan. (rep/fai)

Sumber: Banjarmasin Post Edisi Cetak, tanggal 15 Desember 2020

Palui marah besar ketika anaknya pulang dari sekolah sambil menangis karena disalahkan gurunya. Anak itu mengadu bahwa ia dituduh membunuh Ken Arok, padahal ia bahkan tidak mengenalnya. Palui pun terbakar…