Kesah Palui : Batukan

Palui selama seminggu tidak terlihat keluar rumah, bahkan tidak ke masjid seperti biasanya. Garbus yang penasaran datang menemuinya dan bertanya alasan Palui jarang keluar. Palui menjawab bahwa ia hanya berada di rumah karena “batukan”. Garbus salah paham, mengira Palui sedang bekerja sebagai “batukang” atau tukang bangunan, dan langsung meminta bantuannya memperbaiki rumah yang bocor. Namun, Palui menegaskan bahwa maksudnya bukan “batukang”, melainkan “batukan” karena sedang sakit batuk. Mendengar penjelasan itu, Garbus malu sendiri karena salah dengar, sementara Palui dengan kesal menyuruhnya membersihkan telinganya.

*****

SUDAH samingguan ini Palui kada kalihatan mangaluar pada rumah. Jangankan bakakawalan, umpat sambahyang bajamaah di masigit haja inya kada parnah lagi.

“Kanapa maka ikam Lui parak samingguan kada parnah cangul di gardu atawa di masigit Lui? ujar Garbus batakun imbah inya tatamu wan Garbus.

“Aku ada haja di rumah batukan,” sahut Palui.

“Batukang napa, rupanya ikam babaik rumah tarus di zaman saraba larang inilah?” ujar Garbus. “Kalu kaya itu bujur haja ujar bini ikam wayah samalam aku batakun bahwa ikam batukang,” ujar Garbus.

“Biniku tahu bahwa aku kada saling kaluaran baminggu-minggu karna batukan, maklumlah awak sudah tuha jadi kada kawa bagawi gancang tapaksa ai mamakan apa nang ada haja,” ujar Palui

“Tapi gawian batukang itu tamasuk ka ahlian nang wayahini larang upahnya. Kalu kaya itu imbah tuntung gawian ikam ini aku minta tulung baikiakan hatap rumahku karna satumat lagi musim hujan. Sual upahnya aku kada manawar sapanyambat ikam haja,” ujar Garbus.

“Upah nangapa Bus?” ujar Palui banyaring manyahut.

“Upah batukang mambaiki rumahku,” ujar Garbus.

“Batukang nangapa?” sahut Palui bingung. “Saumur-umur hidupku aku balum biasa mambaiki rumah, kanapa maka aku disuruh batukang?” ujar Palui.

“Maka tadi ikam wan bini ikam bapadah baminggu-minggu batukang dirumah sahut Garbus mayakinakan.

“Ikam salah dangar Bus ai, ujarku tadi aku baminggu-minggu bagana di rumah karna batukan, karna awakku garing ujar Palui makin banyaring manyambat batukan.

“Ooooo…… garing batukan, batuk kuhul-kuhul? Tadi kukira ikam bapadah batukang makanya aku handak minta tulung mambaiki rumahku nang miris,” ujar Garbus baucap sambil mihiringakan talinganya handak mandangarakan jawaban Palui.

“Bus…… ininah ikam kuinjami bulu hayam gasan mangurik tahi talinga ikam nang pampan di talinga,” ujar Palui.

“Hah…..haahhhh…..”ujar Garbus pina supan. emhati (repro)

Sumber: Banjarmasin Post Edisi Cetak, tanggal 13 Februari 2019

Palui selama seminggu tidak terlihat keluar rumah, bahkan tidak ke masjid seperti biasanya. Garbus yang penasaran datang menemuinya dan bertanya alasan Palui jarang keluar. Palui menjawab bahwa ia hanya berada…