Kesah Palui : Surat Tanah

Kesah Palui : Surat Tanah

Palui selaku ketua RT berencana mengundang warga karena pegawai urusan tanah akan datang mengukur batas lahan agar tidak tumpang tindih. Namun, Garbus dan Tulamak enggan hadir dengan berbagai alasan, lalu Palui menyuruh istri mereka untuk mewakili sambil membawa “surat tanah” dalam amplop. Saat acara dimulai, Palui kaget karena amplop yang dibawa istri Garbus dan Tulamak berisi segumpal tanah sungguhan. Mereka mengira maksud “surat tanah” adalah membawa tanahnya secara fisik. Palui pun menjelaskan dengan kesal bahwa yang dimaksud adalah surat sertifikat tanah, bukan tanah betulan.

*****

ISUK rancananya Palui salaku katua RT maundang bubuhan warga sabarataan, karna isuk itu ada bubuhan pagawai urusan tanah handak maukur wan mancucukakan ukuran tanah wan pamiliknya, supaya jangan tumpang tindih. Tamasuk inya manyarui kakawalannya kaya Garbus wan Tulamak.

“Biasanya bila pagawai urusan tanah datang, masalahnya kada lain sual panggusuran karna handak baulah jalan, gasan mambangun jambatan atawa gasan pabrik. Dan ganti ruginya pasti murah banar,” ujar Tulamak manyindir.

“Hi’ih, bujur ujar Tulamak itu karna banyak bubuhan ampun tanah tagusur, tasisih ahirnya jadi panuntun haja,” ujar Garbus.

“Isuk aku kada kawa datang Lui ai handak mailangi dangsanak abah karna sidin garing,” ujar Tulamak ba-alasan takutan tagusur.

“Aku ampun maaf jua kada kawa umpat, maurus pahumaan,” ujar Garbus baulah alasan kada handak hadir.

“Kalu bubuhan ikam kada kawa umpat bulih haja tapi harus ada nang mawakili, yaitu bini ikam. Dan jangan kada ingat mambawa surat tanah masukakan dalam amplup atawa dibungkus wan kartas supaya kada hilang dan kada rigat,” ujar Palui.

Isuknya takumpul bubuhan warga RT tamasuk bini Garbus wan bini Tulamak masing-masing mambawa bungkusan parmintaan Palui.

“Hari ini kita handak mancucuk akan ukuran dan luas tanah, lalu manandai patuk-patuknya. Masing-masing supaya mangumpul surat tanahnya,” ujar katua RT Palui manyuruh. Wayah mambukai surat-surat itu, Palui takajut banar karna amplup bini Garbus wan bini Tulamak isinya tanah dan bahamburan ka atas mija wayah dibukanya.

“Kanapa maka bubuhan ikam mambungkus tanah!” ujar Palui.

“Sasuai pasan laki kami supaya mambawa surat tanah, maka itulah buktinya,” ujar bini Garbus wan bini Tulamak manunjuk.

“Pambabal banar laki ikam nang bulat wan nang kihit itu, surat tanah maksudnya adalah surat sigil tanah,” ujar Palui ma-anyaki manjalasakan wan bini Garbus wan bini Tulamak. emhati(repro)

Sumber: Banjarmasin Post Edisi Cetak, tanggal 11 April 2019

Palui selaku ketua RT berencana mengundang warga karena pegawai urusan tanah akan datang mengukur batas lahan agar tidak tumpang tindih. Namun, Garbus dan Tulamak enggan hadir dengan berbagai alasan, lalu…

Tinggalkan Balasan

Alamat email Anda tidak akan dipublikasikan. Ruas yang wajib ditandai *