Kesah Palui : Manjarai Garbus

Palui heran melihat Garbus tampak segar di siang hari Ramadan. Setelah ditanya, Garbus mengaku tidak puasa karena lupa sahur dan merasa lelah. Palui menegurnya karena selain tidak berpuasa, Garbus juga berdusta dengan alasan sudah salat zuhur padahal masih pukul dua belas. Garbus berjanji akan berpuasa lagi besok dan meminta sebatang rokok. Palui akhirnya memberi satu batang, namun diam-diam menggantinya dengan rokok berisi bahan peledak kecil. Saat Garbus menyalakan rokok, terdengar letupan keras hingga wajahnya menghitam. Palui tertawa sambil berharap Garbus jera dan kembali rajin berpuasa.

*****

PALUI hiran banar kanapa maka Garbus hari itu pina sigar kada nangkaya biasanya. Biasanya inya hari-hari pina liyut tarus, pangaruh parut lapar wan mata mangantuk karna puasa.

“Aku kalihatan sigar ini karna habis batampungas, habis sambahyang zuhur,” sahut Garbus.

“Garbus pangaramput, ikam badosa ganal karna dua kali bakaramput,” ujar Palui. “Partama ikam bakaramput karna kada puasa dan kadua ikam badusta karna bapadah habis sambahyang zuhur padahal hari hanyar pukul satangah dua belas,” ujar Palui.

“Tarus tarang haja Lui, aku kada puasa karna awakku uyuh banar dan malam tadi kada ingat basahur,” ujar Garbus.

“Awak ikam uyuh karna bamamalaman bagadang umpat bagarakan lalu taguring sampai baisukan,” ujar Palui.

“Ayu ja, aku mangaku kalah Lui ai. Aku bajanji isuk puasa lagi kaya biasa,” ujar Garbus. “Aku minta tulung Lui, kawalah minta ruku sabilah barang, liurku pahit banar karna balum makan dan balum nginum kupi.”

“Bila aku mambari rukuk bararti aku nang badosa karna mambulihakan ikam kada puasa,” ujar Palui.

“Tadi aku sudah bajanji bahwa isuk aku puasa tarus sampai habis bulan,” ujar Garbus marayu.

“Sakali ini ikam kukabulkan, tapi ambil rukuknya di rumah,” ujar Palui manyuruh.

“Tulung ambilakan Lui, aku ja aku mahadang diluar haja karna supan masuk katahuan bini ikam,” ujar Garbus.

“Nah………. ini rukuknya, tapi sabilah haja. Nang lainnya kaina kubari imbah buka puasa,” ujar Palui sambil manjulung sabilah rukuknya.

“Mana kurek apinya Lui?” ujar Garbus.

“Ikam ini Bus ai talalu-lalu banar sudah dibari daging handak hati, kaina dibari hati lalu handak manjajak ka kapala,” sahut Palui.

“Tarima kasih Lui” ujar Garbus sambil bukah ka higa gardu handak baruku. Garbus mulai maisap ruku dan langsung babarapa manitis kurek api. Imbah kurek apinya manyala lalu mancucul kahujung rukuknya, dan……….. dor……. dor……dor……..

“Ha ha ha…,” Palui tatawa langsung inya mandatangi si Garbus di higa gardu.

“Aku badosa, aku badosa, aku dapat hukuman langsung,” sahut Garbus sambil baungkai matan gardu dan muhanya hirang kana pacahan latupan.

“Kada apa-apa Bus ai, kada mambahayai karna latupannya halus haja,” ujar Palui. “Mudahan ikam insyaf.”

“Aku paham Lui ai bahwa rukuk itu ikam buati latupan maksudnya supaya aku jara kada puasa,” ujar Garbus sambil mambarasihi muhanya nang latat kana latupan. emhati(repro)

Sumber: Banjarmasin Post Edisi Cetak, tanggal 13 April 2019

Palui heran melihat Garbus tampak segar di siang hari Ramadan. Setelah ditanya, Garbus mengaku tidak puasa karena lupa sahur dan merasa lelah. Palui menegurnya karena selain tidak berpuasa, Garbus juga…