Kesah Palui : Managih Hutang

Kesah Palui : Managih Hutang

Palui ingin mengubah nasibnya dan mengikuti pesan almarhum ayahnya untuk terlebih dahulu berkenalan serta bersahabat dengan tetangga. Ia pun menjalin hubungan baik dengan Julak Bahar, tokoh disegani di kampung itu. Karena kebaikannya, Palui sering membantu hingga meminjamkan uang kepada Julak Bahar. Namun, pinjaman yang awalnya kecil makin membesar hingga lebih dari setengah juta rupiah. Saat Palui menagih, Julak Bahar selalu berjanji akan membayar nanti. Ketika ditagih lagi, Julak malah menantang Palui beradu kuat. Palui akhirnya menyesal karena terlalu percaya dan sadar bahwa kebaikan berlebihan bisa membawa kerugian.

*****

PALUI tulak madam handak maubah nasib. Imbah sampai di banua urang itu, Palui kaingatan pasan aruwah kainya bahwa partama-tama inya harus bapapatuhan wan tatangga kiri kanan.

Imbah itu harus cari siapa urang harat atawa nang wani saumpama jagonya disitu gasan bapapatuhan. Biar haja rugi bakurban mambawa ruku, timbaku atawa mambawai makanan. Tapi nang panting sudah saling bakatahuan. Bila tajadi apa-apa pasti cagar mandapat bantuan.

Pasan kainya itu bujur-bujur digawi Palui dan bahasil bapatuhan wan jago kampung nang bangaran julak Bahar karna sidin bagalang akar bahar. Hampir saban malam Palui mailangi julak Bahar, sambil bakikisahan ka hulu ka hilir.

“Kawalah Lui aku minta tulung?” ujar Julak Bahar.

“Minta tulung napa?” ujar Palui.

“Aku bahutang duit salawi ribu rupiah,” ujar julak.

“Kalu cuma salawi ribu, kada usah bahutang julak ai, tapi ulun bariakan haja,” ujar Palui manjulung duitnya.

Karna kabaikan Palui itu maka julak Bahar makin sayang wan Palui, mambantu dan malindungi bila ada masalah gawian Palui.

“Ikam hati-hati Lui ai, jangan talalu baik wan urang. Sasadangi haja karna bila talalu baik ikam pasti cagar dihinyiknya,” ujar Garbus mambari nasihat.

“Aku parlu mamaraki sidin supaya kita kada diganggunya, malah dilidunginya,” sahut Palui.

“Lui, aku ada parlu bantuan ikam,” ujar julak Bahar.

“Parlu napa lak, sambat haja,” ujar Palui.

“Sakali ini aku minta bantuan ikam, aku handak bahutang. Kada banyak cuma tiga ratus ribu rupiah,” ujar julak Bahar.

“Kalu cuma sapuluh atawa salawi, ulun bariakan haja tapi karna banyak tapaksa ulun hutangi,” ujar Palui manjulung duitnya. Isuknya julak Bahar bahutang pulang, hingga jumlahnya labih satangah juta dan sidin bajanji cagar mambayar habis bulan.

“Sudah kupasani, janganlah talalu baik wan sidin itu karna urang karas kada kawa dilamahi,” ujar Garbus.

“Ayu ja, isuk kutagih sasuai janji sidin,” ujar Palui.

Isuknya Palui bujur-bujur managih, tapi tatap sidin baalasan cagar mambayar habis bulan kaina. Karna sudah dua kali managih tatap kada dibayari julak Bahar, maka Palui handak mangarasi. Wayah handak managih, kamarian itu Palui singhaja mamasang kupiah pina bahiring, tapih basandang di bahu dan karis batajak di pinggang.

“Sakali ini ulun datang pahimatan, pian mambayari atawa kada,” ujar Palui sarik walaupun hatinya takutan malihat sisingut julak Bahar pina bagarak-garak.

“Sudah kusambat bahwa aku cagar mambayar hutangku Lui ai tapi parak habis bulan kaina. Kalu ikam managih bakakarasan maka kita ba-adu kuat haja,” ujar julak Bahar sambil mancabut lading lalu pura-pura mamutung kuku.

Palui kada saling ucapan laki, kalas sampai katahi-tahi ditantang julak Bahar, lalu baundur bulik sambil baucap,” dasar kada kawa dibaiki urang nang sudah wataknya kaya itu. Handak mancari beking sakalinya hilang duit batangah juta,” ujar Palui bagaru kapala karna manyasal. (mht/rep)

Sumber: Banjarmasin Post Edisi Cetak, tanggal 18 Oktober 2019

Palui ingin mengubah nasibnya dan mengikuti pesan almarhum ayahnya untuk terlebih dahulu berkenalan serta bersahabat dengan tetangga. Ia pun menjalin hubungan baik dengan Julak Bahar, tokoh disegani di kampung itu.…

Tinggalkan Balasan

Alamat email Anda tidak akan dipublikasikan. Ruas yang wajib ditandai *