Kesah Palui : Kada Ba-DA

Palui dikenal sebagai orang yang ulet dan tidak pilih-pilih pekerjaan. Ia pernah menjadi tukang, honorer, hingga akhirnya menetap sebagai sopir truk. Dalam pekerjaannya, ia banyak memiliki pengalaman lucu dan berkesan, termasuk rasa solidaritas tinggi antar sopir yang saling membantu, bahkan berbagi makanan dan rezeki. Suatu hari, Palui mengalami kecelakaan hingga pingsan dan harus dibawa ke puskesmas. Polisi menanyainya karena bagian depan truk rusak berat. Setelah ditanya berkali-kali, Palui akhirnya mengaku bahwa “tabrakannya” bukan dengan kendaraan lain, melainkan dengan kawanan sapi yang tiba-tiba menyeberang jalan.

*****

PALUI tamasuk urang nang hakunan wan kada bapilih. Wayah kadada gawian di pahumaan atawa mahadang musim katam, napa haja gawian dihakuninya. Palui parnah umpat batukang, lalu parnah jua umpat mahunur di kantor kalurahan, lalu inya parnah jua jadi supir trak.

Rupanya jadi supir ini lah nang talawas digawinya, sahingga banyak banar pangalamannya salawas jadi supir itu, ada pangalaman nang biasa atau jua nang rahasia.

“Biarpun rahasia tapi bagi sesama supir pasti biasa-biasa haja,” ujar Tulamak manambahi imbah mandangar kesah Palui.

“Di samping saling maingkuti rahasia, ada lagi nang kental sesama supir itu Mak ai, yaitu kesetiakawanannya,” ujar Palui.”Napa cuntuhnya Lui?” ujar Tulamak.

“Hi’ih bujuran jar Palui itu kesetiakawannya tinggi banar. Cuntuhnya bila kadada baisian ruku, hakun sabilah dibagi dua,” ujar Garbus umpat manyahut.

“Kada cuma itu Bus ai, makanpun hakun sapirng badua,” ujar Palui manambahi.

“Kalu kaya itu pasti bisa jua bakamih saluang,” ujar Tulamak mulai manyindir.

“Hahahaaa…,” ujar Palui kada hakun mangumentari.

“Napa lagi pangalaman lainnya Lui?” ujar Tulamak

“Pangalamamku nang unik adalah wayah kamarian-kamarian aku barampakan. Akibat barampakan itu aku sampai pingsan,” ujar Palui.

“Kaya apa kisahnya Lui?” uar Garbus.

Imbah batabrakan itu aku siup dan langsung dibawa ka puskesmas, lalu pulisi manakuni aku karna muturku bagian dapannya lempak, kaca lampu pacah,” ujar Palui.

“Kaya apa kajadiannya Lui? Padahal ikam kada palajuan manyupir makanya kada mungkin marampak urang apalagi marampak mutur nang gana-ganal,” ujar Tulamak umpat mambela Palui.

“Kalu pulisi handak tahu adalah wajar haja karna itu adalah tugas dan gawiannya untuk mengusut, mancari barang bukti serta saksi-saksi agar bisa disidangakan di pangadilan,” ujar Garbus pina saraba tahu.

“Kawalah Lui ikam manunjukakan musuh ikam barampak itu, barapa numur dan DA muturnya?” ujar Tulamak manakuni.

“Tarus tarang haja aku kada kawa manjawab hingga pulisi nang mamariksa itupun sarik banar,” ujar Palui.

“Apakah ikam kada ingat DA-nya?” ujar Garbus.

“Ngalih diingat karna kada banumur,” ujar Palui.

“Kalu ikam bujur-bujur kada ingat numurnya mungkin masih ingat mereknya,” ujar Tulamak.

“Tarus terang haja nang kurampak itu kada banumur dan kada bamerek, karna nang kurampak itu adalah kawanan sapi paharatan manyubarang jalanan,” ujar Palui mambuka rahasianya sambil mamusut dahinya nang baperban karna luka. emhati(repro)

Sumber: Banjarmasin Post Edisi Cetak, tanggal 10 November 2019

Palui dikenal sebagai orang yang ulet dan tidak pilih-pilih pekerjaan. Ia pernah menjadi tukang, honorer, hingga akhirnya menetap sebagai sopir truk. Dalam pekerjaannya, ia banyak memiliki pengalaman lucu dan berkesan,…