Kesah Palui : Mukana Mintuha

Kesah Palui : Mukana Mintuha

Palui menempuh perjalanan ke Palingkau untuk mengambil upah hasil jualan banih. Di perjalanan, ia menanyakan kabar tukacil yang sudah minum jamu. Sesampainya di banua, Palui langsung pulang dan singgah di warung Acil Irus, membuat Tulamak dan Garbus heran karena sebelumnya ia berniat langsung pulang. Ternyata, bini Palui ingin menukar barang di warung, dan Palui menunggu dengan sabar. Bini Palui pun memahami maksud laki-lakinya, bahwa kepergiannya bukan untuk main-main tapi membantu urusan keluarga. Teman-temannya tertawa melihat sikap Palui yang bijak dan sabar, sambil mendapat saran dari Acil Irus soal hayam kampung.

*****

PARAK sabulan sudah buhan Palui tulak madam ka Palingkau maambil upah mangatam banih. Kada karasaan gawian buhannya tuntung. Macam-macam tutukaran buhannya di pasar handak gasan sangu bulik ka banua.

“Sudahkah cil minum jamu?” ujar Palui manakuni tukacil wayah di mutur pas manuju bulik.

“Sudah Lui ai, hintalunya ampat,” ujar Tukacil kakarinyum.

“Ikam kaya apa Lui, ada hajakah bini ikam manilpon bapadah kaganangan lawan ikam,” ujar Garbus manakuni Palui.

“Biniku kada kaganangan lawan aku bus ai, tapi lawan utuh lungur,” ujar Palui rinyum-rinyum. Tatawaan buhannya mandangar utuh lungur.

Pukul ampat kamarian buhannya sampai di banua. Palui langsung bulik ka rumah kada basinggah-singgah lagi. Sampai dirumah inya talihati dadayan hibak

jamuran. kada singhaja inya malihat mukana umpat jua bajamur. Pina taungut Palui limbah malihat mukana umpat bajamur, kada jadi inya masuk ka rumah. Babulik inya manuju warung acil Irus. Sakalinya Tulamak wan Garbus balum bulik jua ka rumah, manyampati minum di warung. Malihat Palui datang mambawa tas, buhannya bingung.

“Hau, kanapa Lui jadi ikam mambawa tas lagi kasini? maka tadi mangincang bulik karumah?” ujar Tulamak kahiranan malihat Palui.

“Aku pina handak madam saminggu-minggu lagi,” ujar Palui gagarunum.

“Kanapa Lui ubah pikiran ikam? Samalam handak banar bulik, kanapa handak tulak madam pulang,” ujar Garbus taumpat bingung.

Rupanya kabalajuran bini Palui handak batutukar di warung acil irus, langsung inya badapat Palui lakinya. Takajut inya malihat Palui datang kada langsung bulik ka rumah, tapi mawarung dahulu.

“Pian ni talalu abahnya ai, baluman masuk ka rumah, langsung baduduk di warung. Kada ingat lawan anak bini dirumah,” ujar nang bini sarik bamamai.

“Aku tadi sudah ka rumah, tapi limbah malihat mukana ikam batapas, aku asa handak tulak lagi,” ujar Palui maraju. Bini palui langsung paham pamaderan Palui nang rahatan maraju tuha.

“Lain mukana ulun abahnya ai nang batapas tu, tapi mukana mama ulun.. Salawas pian madam, sidin bamalam manggainii ulun,’ ujar nang bini paham kahandak nang laki. “Saminggu lagi hanyar mukana ulun nang batapas,” ujar nang bini mambawai bulik.

“Ha…ha… Palui tapakalah, sakalinya mukana mintuha nang batapas,” Tulamak wan Garbus lucut tatawaan malihat Palui sawat maraju.

“Hintalu hayam kampung banyak haja Lui ai. Kalu handak gasan balas dandam,” ujar acil Irus umpat mahuhulut. (rep/fai)

Sumber: Banjarmasin Post Edisi Cetak, tanggal 22 November 2019

Palui menempuh perjalanan ke Palingkau untuk mengambil upah hasil jualan banih. Di perjalanan, ia menanyakan kabar tukacil yang sudah minum jamu. Sesampainya di banua, Palui langsung pulang dan singgah di…

Tinggalkan Balasan

Alamat email Anda tidak akan dipublikasikan. Ruas yang wajib ditandai *