Kesah Palui : Tali Salawar Pagat

Kesah Palui : Tali Salawar Pagat

Palui dan teman-temannya sedang rajin salat berjamaah di langgar karena sering ada pengajian setelah Magrib. Suatu sore, setelah Magrib dan sebelum Isya, Guru Jain berceramah tentang pentingnya salat berjamaah dan hal-hal yang bisa membatalkannya, seperti bergerak lebih dari tiga kali saat salat. Palui dan teman-temannya pun aktif bertanya — termasuk soal digigit nyamuk saat salat.

Waktu salat Isya, di rakaat keempat, Palui tampak gelisah dan berdiri dalam posisi aneh seperti membuka kuda-kuda. Tulamak dan Garbus melihat tingkahnya dan hampir tertawa. Seusai salat, mereka bertanya kenapa Palui berperilaku begitu. Ternyata, tali celananya putus dan celananya hampir melorot. Ia menahan agar tidak jatuh sambil tetap salat, karena takut gerakannya terlalu banyak dan salatnya batal. Akhirnya, Palui berdiri dengan posisi janggal demi menjaga celana tetap terpakai dan salatnya tetap sah.

*****

BUBUHAN Palui wayah ini rajin sambahyang di langgar umpat bajamaah. Barakat katuju umpat pangajian ada haja sakalinya hikmahnya. Kamarian parak magrib bubuhannya sudah takumpulan parak langgar bapanderan satumat, hanyar masuk langgar wayah sudah azan.

Kabiasaan limbah sambahyang Magrib, babacaan wan badoa, sambil mahadang sambahyang Isya, di langgar Palui ada caramah satumat. Tabarungan malam ini guru Jain nang mamimpin sambahyang langsung sidin bacaramah kisah kauntungan sambahyang bajamaah.

“Amun kita sambahyang bagarak sampai tiga kali itu batal sudah sambahyang kita,” ujar guru bapapadahan

“Amun diigut nyamuk kaya apa guru?” jar Palui.

“Kita pukul sakali haja,” ujar guru manjalasakan

“Amun kaya itu tapaksa kita maaritlah gatal?” ujar Tulamak batakun.

“Itu ngarannya godaan iblis Mak ai jadi kita kawa atawa kada khusu.

“Ngaran handak masuk surga, kita harus manang lawan iblis,” ujar Palui manimpali

“Bujur banar pandapat Palui, ayu kita basiap-siap, parak Isya, kada takantut kalu Lui?” ujar guru Jain managur Palui

“Pian ni tahu haja lawan ulun pangantutan,” ujar Palui kasupanan.

Waktu sambahyang pas tahatan rakaat kaampat, kanapa jadi Palui tadi pina badiri kada bujur lagi, inya balisah banar wan pina babirangkang mambuka batisnya. Rupanya Tulamak wan Garbus sawat maitihi kalakuan Palui wayah sambahyang tadi. Pina lucu banar, untung kawa haja kakawalannya itu manahan tatawa. Imbah handak bulik matan langgar, kakawalannya langsung batakun.

“Kanapa lui ikam sambahyang tadi pina balisah wan tabirangkang-birangkang?” ujar Garbus.

“Kada papa ai,” ujar Palui.

“Handak takantutkah ikam Lui, lalu ikam babirangkang manahani?” ujar Tulamak jua batakun.

“Kada handak takantut Mak ai, salawar katuku handak gugur, talinya pagat, tapaksaai aku manahani badiri babirangkang,” ujar Palui kasupanan

“Amun aku bagarak tiga kali mambujurakan, batal ujar guru Jain tadi, makanya kutahani haja” ujar Palui manyambung kisahnya. (rep/fai)

Sumber: Banjarmasin Post Edisi Cetak 4 Desember 2019

Palui dan teman-temannya sedang rajin salat berjamaah di langgar karena sering ada pengajian setelah Magrib. Suatu sore, setelah Magrib dan sebelum Isya, Guru Jain berceramah tentang pentingnya salat berjamaah dan…

Tinggalkan Balasan

Alamat email Anda tidak akan dipublikasikan. Ruas yang wajib ditandai *