Kesah Palui – Tasalah Bawai

Palui termasuk orang yang beruntung. Walaupun berasal dari keluarga sederhana, ia berhasil menikah dengan anak orang kaya. Karena itu, Palui rajin membantu usaha mertuanya yang memiliki warung di depan rumah. Mertuanya sangat percaya pada Palui, bahkan urusan uang pun diserahkan padanya.

Suatu hari, mertua Palui kedatangan tamu dari Samarinda dan berpesan agar Palui menyampaikan kepada istrinya untuk memasak banyak makanan enak. Setelah itu, mertua Palui meminta Palui mengantar tamunya “ke belakang” karena ia ingin ke kamar kecil sebentar. Palui pun menuruti perintah itu secara harfiah: ia mengajak tamu tersebut keliling ke belakang rumah sambil menunjukkan kandang ayam, kebun, sumur, hingga jamban dan kamar mandi.

Tak lama kemudian, mertua Palui mencari tamunya ke ruang makan tapi tidak menemukannya. Tamu pun mengeluh bahwa Palui malah membawanya ke jamban, bukan ke tempat makan. Rupanya, maksud mertua Palui “ke belakang” adalah ke dapur untuk makan siang, bukan berkeliling halaman belakang. Palui pun jadi bahan omelan mertua dan tamu karena salah paham — bukannya mengantar ke jamuan makan, malah diajak tur keliling rumah.

*****

PALUI tamasuk urang nang bauntung karna walaupun abah‑umanya urang susah tapi kawa babini anak urang sugih. Makanya Palui tapaksa barajin manggani’i usaha mintuhanya manunggui tuku nang ada di hadapan rumahnya.

Malihat Palui rajin banar maka mintuhanya kada mancari urang lain lagi gasan manulungi mambuka atawa manutup warungnya. Mintuhanya balapas tangan sama sakali dan mamparcaya Palui sampai kaurusan duit‑duitnya.

Siang itu ada datang tamu mintuhanya dan bapapanderan di dalam warungnya. Palui manyampatakan jua manyadiakan nginuman wan wadainya walaupun paharatan itu inya sibuk banar.

“Lui,” ujar mintuhanya mambisiki Palui, “padahakan wan uma ikam di rumah supaya banyaki bamasak dan iwaknya nang nyaman‑nyaman karna aku handak mambawai makan tamuku nang hanyar datang matan Samarinda,” ujar mintuhanya.

Palui langsung bukah ka rumah manyampaiakan pasan mintuhanya, imbah itu inya sibuk pulang malayani urang batutukar. Kurang labih sajam mintuhanya bapapanderan lalu mangira masakan di dapur sudah masak maka mintuhanya mangiyau pulang wan Palui: “Lui, aku handak bakamih satumat tulung bawai tamuku ini kabalakang,” ujar mintuhanya.

Palui lalu langsung mambawai tamu itu kabalakang, sambil baucap: “Ini kandang hayam wan kandang itik, itu kindai banih, di balakangnya itu kabun gumbili dan di subalahnya itu tanah mintuha jua gasan baulah gudang dan pabrik,” ujar Palui. Tamu mintuha Palui itu bingung kanapa maka ditunjukakan macam‑macam kasugihan mintuhanya. “Itu sumur, kamar mandi wan kakusnya,” ujar Palui pulang sambil manunjuk kahulu kahilir.

Kada lawas imbah mintuhanya masuk ka rumah lalu papalingau mancarii tamunya karna kadada kalihatan di ruang makan lalu langsung mangiyau, “Luuiiii….. Paluuiii……. mana tamu tadi, ayu lakasi bawa ka sini kita makanan,” ujar mintuhanya.

“Kamana ikam mambawai tamuku,” ujar mintuhanya.

“Tadi tamu sampiyan ulun bawai bakuliling karna tadi disuruh supaya dibawai kabalakang,” ujar Palui.

“Aku hiran jua, tadi aku kada handak bahira dan kada handak bakamih tapi kanapa dibawai ka jamban wan ka kamar mandi,” ujar tamunya bapadah wan mintuha Palui.

“Paluiii… Paluiii manyupanakan banar wan tamuku,” ujar mintuhanya, “kanapa maka dibawai ka kakus dan ka jamban?”

“Tadi sampiyan jua nang manyuruh supaya dibawai ka balakang makanya bujur‑bujur ulun bawa ka bakalang,” sahut Palui.

“Maksudku dibawai ka balakang itu supaya dibawai makanan, makan siang karna mama ikam sudah tuntung manyadiakan makanannya,” ujar mintuhanya pina sangkal malihat kalakuan minantunya nang pina bungul‑bungul pintar.

“Inggih, ulun makan badudi haja,” ujar Palui manyahut karna indah supan wan tamu mintuhanya. (mht/mhdy)

Sumber: Banjarmasin Post Edisi Cetak, tanggal 5 Desember 2019

Palui termasuk orang yang beruntung. Walaupun berasal dari keluarga sederhana, ia berhasil menikah dengan anak orang kaya. Karena itu, Palui rajin membantu usaha mertuanya yang memiliki warung di depan rumah.…