Kesah Palui : Sajadah Halus

Tulamak kesulitan mencari baju dan celana yang pas karena tubuhnya besar, hingga akhirnya ia memutuskan membeli kain dan menjahit sendiri. Garbus menyindirnya halus, namun Tulamak menanggapinya santai. Obrolan berlanjut tentang Palui yang baru pulang umrah dan memberi mereka oleh-oleh, termasuk sajadah kecil. Tulamak mengira Palui tak paham karena memberi sajadah ukuran anak-anak, padahal Palui menjelaskan bahwa ia sengaja memberi kecil karena mereka biasa memakai saputangan sebagai alas salat. Saat Tulamak berharap mendapat sajadah baru, Palui justru memberi saputangan sebagai gantinya sambil tertawa lucu.

*****

Tulamak pusang banar maraga kangangalihan bacari baju wan salawar nang cucuk wan ukuran awaknya. Jadi tapaksa inya manukar bahan gasan diupahakan baulah baju wan salawar di tukang jahit.

“Awak lamak itu pasti haran kain,” ujar Garbus manyindir Tulamak.

“Kalu bahiri wan sindir-manyindir kada usah ka kain Bus ai, langsung haja sambat bahwa aku gancang makan,” sahut Tulamak.

“Maksudku kada manyindir Mak ai, tapi hanya manyambat bahwa ikam pasti parlu banyak duit gasan manukar kain baulah baju dan baulah salawar,” ujar Garbus.

“Nah, itulah nang jadi pikiranku karna wayah ini ada pasar tungging, pasar pambilajaan nang bajual pakaian jadi matan luar nageri. Baju salawar luar nageri itu mustinya ganal-ganal tapi nyatanya kadada nang sadangnya wan awakku,” ujar Tulamak.

“Kada usah sakit hati awak lamak Mak ai karna awak lamak itu tanda hidup makmur, cukup makan,” ujar Garbus.

“Tarima kasih ikam mamuji aku, artinya ikam paham Bus ai,” ujar Tulamak. “Tapi kawal kita si Palui itu nang kada pamahaman” ujar Tulamak,

“Kada pamahaman kaya apa Mak?” ujar Garbus.

“Samalam inya hanyar datang baumrah kalu, aku ada dibarinya sajadah halus, sajadah kakanakan,” ujar Tulamak.

“Hi’ih aku ada jua dibarinya sajadah kaya itu,” ujar Garbus.

“Ehem, ehemmm….,” ujar Palui nang hanyar datang manyu’uk matan balakang. “Aku mandangar haja panderan ikam badua itu nang manyambat bahwa aku mambari sajadah,” ujar Palui.

“Kami manyambat itu karna ikam baik hati. Kami maucapakan tarima kasih ikam mambawaakan ulih- ulih kurma, kismis, banyu zamzam, tasbih dan sajadah,” ujar Tulamak babarasih diri.

“Aku singhaja mambari bubuhan ikam ini sajadah halus karna rancak kulihat bila ikam sembahyang pasti lapik pasujudannya adalah saputangan. Saputangan itu halus ukurannya, makanya kutukarakanlah sajadah nang saukuran saputangan. Andaikata bubuhan ikam sembahyangnya rancak mamakai sajadah ganal maka pasti kutukarakan sajadah ganal,” ujar Palui mambalas.

“Karna sajadah barian ikam itu ukurannya halus, baik dan mungil maka sajadahku itu diminta anakku dan dipadahakannya sajadah itu adalah sajadah kakanakan, lalu dirabutinya,” ujar Tulamak marayu maharap cagar ada panggantiannya matan Palui.

“Kabalujuran aku hanya manukar babarapa lambar haja Mak ai, maka sebagai panggantinya ikam kubari saputangan haja gasan mangganti saputangan ikam nang sudah rabit itu,” ujar Palui tatawa sambil manjulung saputangannya. (banjarmasinpost.co.id/bpost/tam)

Sumber: Banjarmasin Post Edisi Cetak, tanggal 6 Maret 2020

Tulamak kesulitan mencari baju dan celana yang pas karena tubuhnya besar, hingga akhirnya ia memutuskan membeli kain dan menjahit sendiri. Garbus menyindirnya halus, namun Tulamak menanggapinya santai. Obrolan berlanjut tentang…