Kesah Palui : Kadut Bungkas
- 35 kali
Saat Palui tidur siang, istrinya membangunkannya karena beras di rumah habis. Setelah berdiskusi, Palui akhirnya pergi ke pasar untuk membeli beras. Istrinya menyuruh membawa karung besar agar cukup untuk sepuluh liter. Namun karena masih mengantuk, Palui salah mengambil — bukan karung yang dibawa, melainkan celana panjangnya sendiri yang mirip karung tepung. Saat penjual menakar beras, isinya malah tumpah ke lantai karena celana itu robek di bagian bawah. Palui malu dan meminta maaf sambil menjelaskan bahwa ia salah ambil karena baru saja bangun tidur. Penjual pun hanya bisa menahan tawa sambil mencium bau tak sedap dari celana itu.
*****
WAYAH Palui nyaman-nyamannya guring siang, bininya kukuciak matan dapur mangiyau. Asa mandangar asa kada, sapalih dikira mimpi, makanya Palui taguring pulang. Tapi inya tapaksa babangun karna bininya itu manggawil ka batisnya.
“UI abahnya, baras di padaringan sudah habis,” ujar bini Palui.
“Kalu kaya itu tutuk banihnya,” ujar Palui gagarunum.
“Kada nyaman-nyamannya manutuk banih nang balum bajamur itu abahnya ai karna dalam samingguan, sabulanan ini hari pina hujan tarus,” sahut Palui.
“Kalu kaya itu bapikir ai bahutang ka rumah subalah atawa ka warung acil Isul,” ujar Palui.
“Aku supan abahnya ai karna sudah batuyuk hutang di subalah-manyubalah. Bila hari ini kadada baras maka kita kada makanan, balapar haja,” ujar bininya.
“Ayu ja aku bakalah umanya ai, aku tulak manukar baras ka pasar,” ujar Palui sambil maambil bungkusan langsung tulak.
“Bawa kadut nang taganal abahnya ai supaya muat gasan sapuluh litar,” ujar bininya. Sampai di pasar di kampung baras, imbah bapapanderan wan panjualnya maka Palui baucap.
Banjarmasin Post edisi Rabu (11/3/2020).
Banjarmasin Post edisi Rabu (11/3/2020). (Dok Banjarmasinpost.co.id)
“Sual haraga akur haja tapi pilihakan baras usang supaya kada lambik nasinya,” ujar Palui.
“Barapa ikam manukar Lui, sabalik kah?” ujar nang bajual.
“Sapuluh litar haja, samumuatnya kadut galapungku ini nah,” ujar Palui sambil manimbai bungkusan kadut galapungnya.
Si panjual langsung manakar sambil mambuka bungkusan kadut, lalu maluruk barasnya ka dalam kadut itu. Tapi inya hiran banar karna barasnya bahamburan tarus ka lantai.
“Lui… uiii Lui, kadut ikam ini bungkas, mungkin rabit lalu barasnya bahamburan,” ujar si panjual sambil maitihi kadutnya.
“Astaga… ini lain kadut Lui ai, ini salawar handap ikam” ujar si panjual.
“Maaf, maaflah julak, ulun salah jumput karna ulun haratan guring wayah umanya basusuruh tadi. Salawar handap ulun ini kain tapungnya bakas kadut galapung itu jua. Ini nah capnya wan tulisannya ‘tapung tarigu cap karita’ masih hanyar dua talu kali pakai haja,” ujar Palui minta maaf karna inya tasalah bawa, manjumput kadut tajumput salawar handap.
“Untung haja masih hanyar Lui ai, tapi walaupun masih hanyar kaciuman jua bau hancingnya,” ujar sipanjual lihum sambil mamicik hidungnya. (banjarmasinpost.co.id/rep/mht)
Sumber: Banjarmasin Post Edisi Cetak, tanggal 11 Maret 2020
Saat Palui tidur siang, istrinya membangunkannya karena beras di rumah habis. Setelah berdiskusi, Palui akhirnya pergi ke pasar untuk membeli beras. Istrinya menyuruh membawa karung besar agar cukup untuk sepuluh…
