Kesah Palui : Doa Salamat

Palui dan kawan-kawannya terkenal di kampung sebagai kelompok “SAR” yang selalu hadir di acara siapa pun, terutama jika ada makanan. Suatu malam mereka datang ke acara selamatan di rumah Haji Durazak. Karena acara itu mendadak, tuan rumah meminta Palui memimpin doa. Palui sebenarnya tidak pandai berdoa, tapi ia berani saja maju. Saat diminta membaca doa, ia malah membaca doa singkat yang lucu: “Bismillah… salamat makan, salamat manikmati…” hingga menutup dengan “alhamdulillahirabbilalamin.” Haji Durazak hanya bisa tersenyum masam mendengarnya, lalu mempersilakan semua tamu makan bersama.

*****

BUBUHAN Palui wan kakawalannya si Garbus, Tulamak lawan Tuhirang tarkanal banar di kampung sabagai bubuhan SAR alias bubuhan SARuan. Artinya buuhannya itu kada kawa mandangar urang baaruhan atawa basalamatan, pasti hadir. Imbah itu amun kawa buliknya mambarakat pulang gasan nang di rumah.

“Bila bulan anum tiap hari ahad pasti ada urang nang bakakawinan lalu kaya apa rancana kita?” ujar Tulamak batakun.

“Kalu kaya itu kita babagi tugas, nang manyalidiki urang baaruhan siang adalah Tulamak wan Tuhirang, nang manyaladiki urang baaruhan malam adalah aku wan Palui,” ujar Garbus.

Imbah tuntung sambahyang isya, Palui mandangar habar bahwa di rumah Durazak cagar basalamatan batasmiah cucunya, maka langsung inya bahabar wan kakawalan.“ Bus, ayu kita saruan ka wadah wak haji Durazak,” ujar Palui mambawai kakawalannya.

“Kami tarima kasih banar Lui ai bubuhan ikam datang karna salamatan ini mandadak banar jadi kada banyak basaruan. Makanya kami minta ikam nang mambacaakan doa salamatnya,” ujar wak Durazak.

“Baiknya ikam jua Lui,” ujar Garbus manyuruh. Palui manggitir disuruh wak Durazak karna inya sabujurnya kada biasa mambaca doa, tapi inya indah kalah lalu mawaniakan diri batakun : “Doa nang mana wak haji,” ujar Palui.

“Tasarah ikam haja,” sahut wak Durazak.

“Doa nang lawas ulun sudah kada ingat lagi,” sahut Palui.

“Kalu doa nang lawas sudah kalumpanan, maka aku hakun haja doa nang hanyar,” ujar wak Razak.

“Doa nang hanyar…….. doa nang hanyar ulun balum balajar, sahut Palui bagamat.

“Aku sudah mangira jawaban ikam tu Lui ai… Kalu ikam kada ingat doa lawas wan kada bisa doa hanyar, aku haja mambacaakan doa sapu jagat, ujar wak Durazak.

“Kada usah wak haji ai, ulun bacaakan doa salamat haja gin,” ujar Palui.

“Ayu lakasi dibaca Lui,” ujar wak Durazak manyuruh.

“Bismillah………….. Salamat makan, salamat manikmati amin….amin….. rabbana atina………… amin, amin, alhamdulillahirabbil alamin,” ujar Palui langsung manutup doanya.

Masam muha wak haji Durazak mandangar doa Palui. “Jadi aja sudah… Ayu makani papancukannya, jangan supan-supan kami masih banyak haja cadangan asam palipisan, limau wan pisang manggalanya, ujar wak haji Durazak. (rep/bpost)

Sumber: Banjarmasin Post Edisi Cetak, tanggal 22 April 2020

Palui dan kawan-kawannya terkenal di kampung sebagai kelompok “SAR” yang selalu hadir di acara siapa pun, terutama jika ada makanan. Suatu malam mereka datang ke acara selamatan di rumah Haji…