Kesah Palui : Nikmat Ramadhan

Setiap selesai sahur, Palui dan kawan-kawannya selalu salat Subuh berjamaah dan mendengarkan ceramah di masjid. Saat Tuan Guru mengingatkan pentingnya puasa sebagai ujian iman dan kesehatan, Palui mengaku sedih karena bulan Ramadan hampir berakhir. Ia bahkan berharap puasa bisa berlangsung seratus hari setahun. Tuan Guru heran dan meminta alasannya. Dengan polos, Palui menjelaskan bahwa selama Ramadan ia dan keluarganya sangat bersyukur karena sebulan penuh tidak perlu mengeluarkan uang untuk makan—semua sudah tersedia di masjid. Garbus pun tertawa, menyadari bahwa alasan kesedihan Palui hanyalah karena kehilangan “makan gratis” saat bulan puasa usai.

*****

TIAP tuntung basahur Palui wan kakawalannya umpat sambahyang subuh bajamaah di masigit, lalu ditarusakan wan mandangarakan caramah.

“Di bulan ramadhan yang suci ini banyak nikmat nang bisa kita ambil, puasa adalah ujian kaimanan, dari segi kesehatan kita disuruh mambarasihi parut karna sawalas sabalas bulan dipakai tarus, banyak-banyak ba-amal, siang hari puasa dan malamnya tarawih lalu tadarusan,” ujar tuan guru mamulai caramahnya.

“Ulun katuju banar pandapat sampiyan itu Tuan Guru ai, makanya janganlah disia-siakan nikmat nang diberikan Tuhan dalam bulan puasa ini. Artinya bisa-bisalah kita mamanfaatkannya. Kalu kawa bulan puasa ini jangan tiga puluh hari saja tapi saratus hari dalam satahunnya. Makanya sadih hatiku bila bulan puasa handak habis,” ujar Palui.

“Ukuran tiga puluh hari itu sudah sasuai wan kamampuan awak kita jangan ditambah-tambah lagi,” ujar Tuan Guru.

“Pokoknya ulun sadih banar Tuan Guru ai,” ujar Palui.

“Kenikmatan napa nang ikam rasakan Lui maka pina handak manambah bulan puasa jadi saratus hari? Cuba ikam kesahakan wan kakawalan kita di sini supaya kawa jua marasaakan nikmatnya bulan Ramadhan,” ujar Tuan Guru.

“Banyak banar nikmatnya Tuan Guru ai, makanya ulun dan kaluarga bulan puasa ini basyukur banar, karna sabulanan kami kada kaluar duit, sabulanan dapur aman,” ujar Palui.

“Aku paham, aku paham..,” ujar Garbus.

“Sabulanan itulah jua Palui saparanakan kawa umpat makan sahur wan umpat babuka puasa di masigit, karna Palui batugas jadi kaum, bininya tukang masak di dapur dan anak-anaknya ada nang tukang susurung makanan dan ada jua tukang basuh piring cangkir,” ujar Garbus mangalakak tatawa karna kawa mamacahakan rahasia kanapa Palui sadih handak ditinggalakan bulan puasa. (ivd/mht)

Sumber: Banjarmasin Post Edisi Cetak, tanggal 25 April 2020

Setiap selesai sahur, Palui dan kawan-kawannya selalu salat Subuh berjamaah dan mendengarkan ceramah di masjid. Saat Tuan Guru mengingatkan pentingnya puasa sebagai ujian iman dan kesehatan, Palui mengaku sedih karena…