Kesah Palui : Isya Masuk

Kampung Palui akhir-akhir ini sering sekali kemalingan, hampir tiap malam ada saja warga yang kehilangan ayam atau itik. Para pencuri semakin berani karena banyak orang yang tidak punya pekerjaan tetap. Kini hanya ayam dan itik Palui saja yang tersisa, sebab yang lain sudah habis dicuri. Pada malam Jumat, biasanya Palui rajin ke langgar untuk ikut kajian, tapi malam itu ia memilih salat di rumah karena merasa tidak enak badan. Tanpa disangka, malam itu memang ada maling yang sudah bersembunyi di bawah rumahnya sejak magrib. Saat Palui mendengar suara aneh dari bawah, ia segera mengambil senter dan memeriksa. Ternyata benar, ada seseorang yang sedang bersembunyi. Palui pun memanggil warga kampung, dan setelah ditangkap serta dibawa ke rumah RT, barulah diketahui bahwa maling itu adalah Isa. Rupanya Isa ketakutan ketika mendengar Palui berteriak menanyakan waktu salat Isya, karena dikiranya keluarga Palui sudah tahu dan bersiap menangkapnya.

*****

Kampung Palui salawas ini rancak banar kamalingan, kada bahalat malam ada pulang tahabar urang nang kahilangan ayam atawa itik. Rupanya makin babanyak urang nang kada baisian gawian alias pangangguran lalu bapikiran handap supaya lakas dapat duit.

Malingnya tuh ujar ngalih banar ditangkap, urangnya harat jua kalu. Kikisahan urang di kampung, ayam wan itik si Palui haja lagi ujar nang ada, nang lainnya sudah habisan dicuntani si maling.

Biasanya saban malam Jumahat, bubuhan tatuhaan di kampung Palui bakajian tarus dilanggar. Napakah malam jumahat itu kada kaya biasanya si Palui pina mangulir tulak ka langgar, biasanya Palui itu nang parajinnya. Nang bini bingung jua malihat kalakuan si Palui.

“Ui abahnya kada tulak ka langgar kah?” ujar bini Palui.

“Aku malam ini sambahyang dirumah haja, asa kada tapi nyaman awak,” ujar Palui.

“Tasarah pian haja ka ai,” ujar bininya.

“Jagakan kaina kalu urang azan isya, banguniakan aku lah,” suruh Palui.

“Ayuha abahnya ai, ujar bininya.

Sakalinya malam Jumahat nang ini dasar babanaran ayam si Palui nang handak dicuntan maling. Malingnya gin sudah ada sakalinya matan magrib tadi mahadang di bawah barumahan.

Wayah bini Palui asyik bamasak di dapur, si malingnya sudah bakaraut manuju ka kandang hayam.

“Ding…ding….ding isya masuklah sudah?” ujar si Palui bakuriak nyaring banar. Rupanya inya takajut bangun imbah taguring.

“Balum abahnya ai, satumat lagi,” sahut nang bini.

Maling nang di bawah barumahan si Palui tadi bukah kada katulungan.

“Napa ding tihang rumah kita baragak?” ujar si Palui batakun lawan bininya.

“Kada tahu jua abahnya ai, cuba pang pian pariksai. Ulun dangar ada bunyi garabakan jua matan bawah barumahan,” sahut nang bininya.

Palui langsung maambil senter mamariksa ka bawah barumahan, imbah diitihinya bahimat, dilihatnya ada urang tarabah siup.

“Ini pasti maling nang handak bacacuntan di rumahku,” ujar Palui, langsung inya mangiyau urang kampung. Rupanya saking kalanjuannya bukah maling nang tadi taranjah tihang rumah si Palui. Imbah di bawa ka rumah RT, hanyar katahuan maling tadi rupanya bangaran si isa. Mandai haja inya bukah wayah Palui bakuciak manakuni bininya isya masuk lah sudah. Dikiranya urang rumah sudah tahu wan sudah mahadang. (repro)

Sumber: Banjarmasin Post Edisi Cetak, tanggal 10 Juni 2020

Kampung Palui akhir-akhir ini sering sekali kemalingan, hampir tiap malam ada saja warga yang kehilangan ayam atau itik. Para pencuri semakin berani karena banyak orang yang tidak punya pekerjaan tetap.…