Kesah Palui : Disayang Bini

Kesah Palui : Disayang Bini

Palui dikenal suka membicarakan perempuan dan sering bercanda dengan teman-temannya soal cara disayang istri. Saat berbincang dengan Garbus dan Tulamak, mereka berdebat tentang rahasia agar istri tetap sayang. Tulamak berpendapat cukup dengan memberi uang hasil kerja, sedangkan Garbus menilai yang penting menuruti semua keinginan istri. Namun Palui justru menyindir keduanya sebagai laki-laki penurut. Ia mengatakan rahasianya sederhana, yaitu “rancak bangun”, membuat istrinya senang karena suaminya selalu bersemangat. Ucapannya itu membuat teman-temannya paham bahwa maksud Palui sebenarnya adalah gurauan bernada nakal khas dirinya.

*****

TUMATAN bahari Palui paling katuju mamander bibinian. Kalu bubuhannya takumpul, kadada habisnya tu pang amun sudah bakisah urusan bibinian. Wani batangah harian inya bakisah, kada ingat lagi lawan anak bini dirumah.

“Amun kaya kita ngarannya wajar haja masih katuju lawan daun anum, napa liur masih baik Mak ai,” ujar Palui.

“Bujur Lui ai, aku sapandapat lawan ikam. Itu ngaranya masih normal,” ujar Tulamak manyahut.

“Bubuhan ikam tu, kalu urusan bibinian nomur satu, cuba kalu urusan nang lain,” ujar Garbus manumpalak.

“Babahaya kawan kita ni Mak ai. Bisa tamasuk kada normal nangkaya ujar ikam tadi,” ujar Palui.

“Muha ikam…mamadahi aku kada normal,” ujar Garbus sarik.

“Kada normal nang di bawah Bus ai maksud Palui tu,” ujar Tulamak manimpali.

Amun nang itu normal haja, sudah tabukti Mak ai, biniku hari ka hari makin sayang haja,” ujar Garbus mambila diri.

“Nah, mamandir soal sayang di sayangi bini. Bubuhan ikam tahu lah supaya bini tu sayang tarus lawan kita?” ujar Palui manakuni kawanannya.

“Sutil haja Lui ai, unjuk duit hasil bagawi maojek kita barataan, katuju banar tu inya,” ujar Tulamak.

“Artinya bini ikam tu Mak ai tamasuk mata duitan,” ujar Palui.

“Ikam pang Bus tahulah caranya?” ujar Palui manakuni Garbus.

“Amun handak disayang bini tu, apa jar bini di hakuni. Pasti inya katuju banar dan magin sayang tu wan sorang,” sahut Garbus.

“Itu ngarannya dihulunakan bini, kaya ikam tu nah tamasuk laki-laki takutan wan bini,”

ujar Palui mahuhulut Garbus.

“Limbah pang kaya apa? kadada nang bujurnya kami,” ujar Garbus panasaran.

“Hi-ih apanya nang bujur manurut ikam,” ujar Tulamak jua panasaran

“Syaratnya sutil haja Bus ai, Mak ai. Rancaki haja bangun,” ujar Palui manjawab.

“Rancaki bangun napanya? Bangun guringkah?” ujar Tulamak manahapi.

“Kalu rancaki bangun lalu pabila guringnya?” ujar Garbus.

“Amun kawa satiap jam bangun tarus. bini tu paling katuju malihat kita bangun tarus,” ujar Palui kakarinyum.

“Aku curiga Bus ai. Aku tahu kalu muha Palui takarinyum kaya itu, pasti kada lain panderannya itu carubu pulang,” ujar Tulamak.

“Panderan Palui tu kada lain ujungnya pasti parno,” ujar Garbus hanyar paham.

“Tapi pang amun rancak bangun artinya cagar kada tapi panduitan pulang, karna pasti harus kuat jua jamunya,” ujar Palui mangalakak tatawa. (bpost/fai)

Sumber: Banjarmasin Post Edisi Cetak, tanggal 4 Maret 2019

 

Palui dikenal suka membicarakan perempuan dan sering bercanda dengan teman-temannya soal cara disayang istri. Saat berbincang dengan Garbus dan Tulamak, mereka berdebat tentang rahasia agar istri tetap sayang. Tulamak berpendapat…

Tinggalkan Balasan

Alamat email Anda tidak akan dipublikasikan. Ruas yang wajib ditandai *